ໂຄງການແນວຄິດລິເລີ່ມ “ຜູ້ສ້າງອະນາຄົດ” ຂອງບໍລິສັດບອສຈ ເກີດຂຶ້ນຢ່າງສົມບູນຈາກຄວາມຄິດໃໝ່ໆໄປສູ່ຄວາມຈິງ
ງານເປີດຕົວໂຄງການ ທີ່ປ່ຽນຖ່າຍຖັງນໍ້າທີ່ບໍ່ໄດ້ໃຊ້ມາເປັນສະຖານທີ່ຮຽນຮູ້ທີ່ສ້າງສັນ ຢ່າງເປັນທາງການ

November 15, 2017
C/CCR-AS

  • ສ້າງຄວາມຄິດທໍາມະດາໃຫ້ກາຍເປັນຈິງ: ສໍາເລັດການກໍ່ສ້າງສະຖານທີ່ຮຽນຮູ້ທີ່ສ້າງສັນ ໂດຍຜູ້ຊະນະລາງວັນ “ຜູ້ສ້າງອະນາຄົດ” ຂອງບໍລິສັດບອສຈ”
  • ໂຄງສ້າງອາຄານແມ່ນສະແດງເຖິງວິທີການທີ່ຍືນຍົງ ໃນການສ້າງຊີວິດໃໝ່ໃຫ້ແກ່ຖັງນໍ້າທີ່ບໍ່ໄດ້ໃຊ້
  • ບໍລິສັດບອສຈ ມີຈຸດມຸ່ງໝາຍໃນການປູກຝັງຈິດວິນຍານນະວັດຕະກໍາປ່ຽນແປງໃໝ່ ແລະ ການພັດທະນາທັກສະຕ່າງໆໃນໝູ່ນັກສຶກສາປະເທດລາວ.

ວຽງຈັນ, ປະເທດລາວ -- ບໍລິສັດບອສຈ, ຜູ້ສະໜອງເຕັກໂນໂລຊີ ແລະ ການບໍລິການຊັ້ນນໍາຂອງໂລກ ຮ່ວມກັບພາກວິຊາວິສະວະກໍາສາດ ມະຫາວິທະຍາໄລແຫ່ງຊາດ ໃນມື້ນີ້ໄດ້ເປີດຕົວອາຄານຮຽນຮູ້ ສ້າງແຮງບັນດານໃຈຂອງບໍລິສັດບອສຈ ພາຍໃຕ້ໂຄງການ “”ຜູ້ສ້າງອະນາຄົດ”. ອາຄານທີ່ມີຂະໜາດຕັ້ງຢູ່ 36 ມ2 ແມ່ນໄດ້ຮັບການອອກແບບໂດຍນັກວິສະວະກອນໜຸ່ມ 3 ຄົນ --ທ່ານ ອະນຸສອນ ສິສຸທໍາ, ທ່ານ ສຸພະໄຊ ໄຊຍະວົງ ແລະ ທ່ານ ນຸສິນ ນໍາມານິນິນ ເຊິ່ງເປັນຜູ້ທີ່ປ່ຽນຖ່າຍພື້ນທີ່ຖັງນໍ້າທີ່ບໍ່ໄດ້ໃຊ້ໃຫ້ກາຍເປັນສະຖານທີ່ຮຽນຮູ້ທີ່ສ້າງສັນ ແລະ ຍືນຍົງ.

ງານດັ່ງກ່າວ ເປີດພິທີໂດຍທ່ານ ດຣ. ສົມສີ ຍໍພັນໄຊ, ອະທິການບໍດີ ມະຫາວິທະຍາໄລແຫ່ງຊາດ ແລະ ທ່ານ ແອັນດຣີວ ເດ ຈອງ, ຜູ້ອໍານວຍການໃຫຍ່ບໍລິສັດບອສຈ ປະເທດລາວ, ກໍາປູເຈ້ຍ ແລະ ພະມ້າ, ໂຄງການ “ຜູ້ສ້າງອະນາຄົດ” ມີຈຸດປະສົງແກ້ບັນຫາຢ່າງສ້າງສັນສໍາລັບໄວໜຸ່ມ ແລະ ເປັນໃຈກາງຄວາມມຸ່ງໝັ້ນຂອງບໍລິສັດບອສຈ ໃນການປັບປຸງຄຸນນະພາບຊີວິດ, ສິ່ງແວດລ້ອມ ແລະ ສັງຄົມ.

“ຜ່ານໂຄງການນີ້, ນັກສຶກສາພວກເຮົາສາມາດສະແດງໃຫ້ເຫັນຄວາມອາດສາມາດຂອງເຂົາເຈົ້າ, ການໃຊ້ປະໂຫຍດຈາກຄວາມຄິດສ້າງສັນ ແລະ ໄດ້ຮັບທັກສະໃໝ່ໆໃນການສ້າງແນວທາງແກ້ໄຂໃໝ່ໆ ເພື່ອພັດທະນາຊຸມຊົນວິທະຍາເຂດຂອງພວກເຮົາ”, ກ່າວໂດຍ ສາດສະດາຈານ ດຣ. ສົມສີ. “ພວກເຮົາຮູ້ສຶກດີໃຈທີ່ຈະເຫັນການເຕີບໃຫຍ່ດ້ານຄວາມອາດສາມາດ ແລະ ຄວາມໝັ້ນໃຈໃນຕົວນັກສຶກສາພວກເຮົາຕາມເສັ້ນທາງເດີນຂອງເຂົາເຈົ້າ ຕະຫລອດໄລຍະໂຄງການນີ້. ພວກເຮົາຮູ້ສຶກເປັນກຽດທີ່ຈະເຮັດວຽກຮ່ວມກັບບໍລິສັດບອສຈ ແລະ ຫວັງວ່າຈະໄດ້ຮັບການຮ່ວມມືໃນອະນາຄົດ ເພື່ອພັດທະນານັກວິສະວະກອນລຸ້ນຕໍ່ໄປໃນປະເທດລາວ”.

ຈາກພື້ນທີ່ຫວ່າງໄປສູ່ສູນສຶກສາທີ່ສ້າງສັນ

ຕຶກ “ຜູ້ສ້າງອະນາຄົດ” ແມ່ນສະຖານທີ່ສຶກສາທີ່ສ້າງສັນ ແລະ ສ້າງແຮງບັນດານໃຈສໍາລັບນັກສຶກສາມະຫາວິທະຍາໄລແຫ່ງຊາດ. ເປັນຮູບຫົກລ່ຽມດ້ວຍຮູບແບບສະຖາປັດຕິຍະກໍາລາວ ເປັນຕຶກທີ່ນໍາໃຊ້ພະລັງງານແສງອາທິດ ແລະ ມີລະບົບລະບາຍອາກາດທໍາມະຊາດ ສາມາດຮອງຮັບນັກສຶກສາໄດ້ປະມານ 20 ຄົນພ້ອມກັນ, ສະຖານທີ່ດັ່ງກ່າວຍັງມີ Wi-Fi, ອຸປະກອນຊ່ວຍຮຽນ ແລະ ຈໍສະແດງຜະລິດຕະພັນໂດຍບໍລິສັດບອສຈ.

“ໃນປີທີ່ຜ່ານມາ, ພວກເຮົາໄດ້ມີຄວາມຄິດ, ເບິ່ງວ່າມັນຈະກາຍເປັນຈິງໄດ້ ແລະ ຖືເລື່ອງແປກໃໝ່ຫລາຍ” ກ່າວໂດຍ ທ່ານ ສຸພະໄຊ ໄຊຍະວົງ, ຫົວໜ້າທີມທີ່ຊະນະລາງວັນ. “ສໍາລັບຂ້າພະເຈົ້າ, ປະສົບການນີ້ແມ່ນມີຫລາຍກວ່າພຽງແຕ່ຄໍາວ່າໂຄງການໜຶ່ງ. ມັນຍັງເປັນປະສົບການຄັ້ງໜຶ່ງໃນຊີວິດຈິງ ທີ່ເຮັດໃຫ້ຂ້າພະເຈົ້າສາມາດເພີີ່ມທັກສະວິຊາຊີບຂອງຂ້າພະເຈົ້າ. ທີມງານ ແລະ ຂ້າພະເຈົ້າເອງແມ່ນໄດ້ຮັບໂອກາດໃນການຖ່າຍທອດຄວາມມັກຮັກ ແລະ ຄວາມຮູ້ທາງດ້ານວິສະວະກໍາຂອງພວກເຮົາ, ຄິດໃຫ້ແຕກຕ່າງ ສ້າງຄວາມຄິດທີ່ເປັນເອກະລັກສະເພາະ ແລະ ສາມາດປະຕິບັດໄດ້ຈິງ”.

ໂຄງການ “ຜູ້ສ້າງອະນາຄົດ”: ໄດ້ສ້າງແຮງບັນດານໃຈໃຫ້ໄວໜຸ່ມທີ່ມີຄວາມສາມາດ ໄດ້ເຮັດສິ່ງທີ່ດີທີ່ແຕກຕ່າງ

“ໂຄງການຜູ້ສ້າງອະນາຄົດ” ແມ່ນໂຄງການລິເລີ່ມໃນປະເທດລາວໂດຍບໍລິສັດບອສຈ, ພາຍໃຕ້ຫົວຂໍ້ “ພວກເຮົາຊ່ວຍສ້າງສິ່ງທີ່ແຕກຕ່າງ” ຂອງບໍລິສັດ ໃນອາຊີຕາເວັນອອກສ່ຽງໃຕ້. ເປົ້າໝາຍແມ່ນເພື່ອສົ່ງເສີມແນວຄິດທີ່ສ້າງສັນ ແລະ ທັກສະຕົວຈິງຂອງນັກວິສະວະກອນທີ່ມີແຮງບັນໃຈໃນການກໍານົດເປົ້າໝາຍໃນຊີວິດ. ໂຄງການໄດ້ເລີ່ມຂຶ້ນໃນເດືອນກັນຍາ 2016, ນັກສຶກສາ ມະຫາວິທະຍາໄລແຫ່ງຊາດແມ່ນໄດ້ຮັບຫົວຂໍ້ທີ່ທ້າທາຍໃນການສ້າງແນວຄິດວິທີ ນໍາໃຊ້ຖັງນໍ້າເກົ່າທີ່ຕັ້ງຢູ່ໃນວິທະຍາເຂດ. ແນວຄິດທີ່ສົ່ງມາຈາກທ່ານ ອະນຸສອນ ສີສຸທໍາ, ສຸພາໄຊ ໄຊຍະວົງ ແລະ ນຸສິນ ນໍາມານິນິນ ປະກົດວ່າເປັນຜູ້ຊະນະເລີດ. ໃນການກຽມຕົວນັກສຶກສາສໍາລັບໄລຍະສຸດທ້າຍຂອງໂຄງການ, ຜູ້ຊະນະຈະໄດ້ໄປສຶກສາເບິ່ງງານຢູ່ທີ່ໂຮງງານເຄື່ອງມືໄຟຟ້າບໍລິສັດບອສຈໃນປີນັງ, ປະເທດມາເລເຊຍ ໃນຕອນຕົ້ນປີ 2017 ເພື່ອຮັບເອົາທັກສະ ແລະ ຄວາມຮູ້ຊ່ຽວຊານ ຈາກຊ່ຽວຊານຊັ້ນນໍາ. ຜູ້ຊະນະພ້ອມດ້ວຍທີມຮອງຊະນະເລີດ ແລະ ພາຍໃຕ້ການຕິດຕາມຂອງອາຈານສອນ ແລະ ຜູ້ຊ່ຽວຊານບໍລິສັດບອສຈ ຈະໃຊ້ເວລາສາມເດືອນເຄິ່ງ ເພື່ອສໍາເລັດການກໍ່ສ້າງດັ່ງກ່າວ.

ໂຄງການລິເລີ່ມຍັງແມ່ນເວທີ ສໍາລັບບໍລິສັດບອສຈ ເພື່ອສະໜັບສະໜຸນໄວໜຸ່ມທີ່ມີພອນສະຫວັນ ດ້ວຍເຄື່ອງມື ແລະ ວິທີການທີ່ຈະຮັບເອົາການສຶກສາ ແລະ ການອົບຮົມທີ່ຖືກຕ້ອງເໝາະສົມ ເພື່ອກຽມຕົວເຂົາເຈົ້າສໍາລັບໂລກຂອງການເຮັດວຽກຕົວຈິງ.

ອີງຕາມທະນາຄານພັດທະນາອາຊີ, ການປະເມີນຂະແໜງການ ແລະ ຕະຫລາດແຮງງານໃນປີ 2010 ໄດ້ສະແດງໃຫ້ເຫັນວ່າ ປະເທດລາວ ຍັງຂາດແຄນຄົນທີ່ມີທັກສະໃນຫລາຍຂະແໜງການ ລວມທັງວຽກກໍ່ສ້າງ, ການເຮັດເຟີນິເຈີ້ ແລະ ການສ້ອມແປງຍານພາຫະນະ ແລະ ເຄື່ອງຈັກຕ່າງໆ.

“ຕອນນີ້ ມັນເປັນສິ່ງສໍາຄັນ ຫລາຍກວ່າ ທີ່ຈະປູກຟັງໃຫ້ເກີດສິ່ງແວດລ້ອມການຮຽນຮູ້ທີ່ແທ້ຈິງ ແລະ ການພັດທະນາທັກສະໃນໄວໜຸ່ມ ເນື່ອງຈາກເຂົາເຈົ້າຖືເປັນກຸນແຈສໍາຄັນຕໍ່ຄວາມສໍາເລັດຂອງປະເທດໃນອະນາຄົດ”, ກ່າວໂດຍ ທ່ານ ແອນດຣີ ເດ ຈອງ. ລາວຍັງໄດ້ກ່າວເພີ່ມເຕີມອີກວ່າ “ຜ່ານໂຄງການຜູ້ສ້າງອະນາຄົດ, ພວກເຮົາຕ້ອງການທີ່ຈະເພີ່ມປະສົບການຕົວຈິງໃສ່ໃນຄວາມຮູ້ທິດສະດີ ທີ່ນັກສຶກສາໄດ້ຮັບຈາກມະຫາວິທະຍາໄລ. ພວກເຮົາຫວັງທີ່ຈະສົ່ງເສີມ ແລະ ເຮັດໃຫ້ເຂົາເຈົ້າສາມາດຊ່ວຍສ້າງສິ່ງທີ່ແຕກຕ່າງ ສໍາລັບອະນາຄົດທີ່ຈະເລີນຮຸ່ງເຮືອງຂອງປະເທດລາວ.”

ຕິດຕໍ່ສອບຖາມຂໍ້ມູນ:

ທ່ານ ຊ໋ອກເລັງ ເຊີ
ເບີໂທລະສັບ: +855 23 900 685
ເບີມືຖື: +855 12 775 593
ອີເມວ: Sokleng.chher@bosch.com


ກ່ຽວກັບ Bosch ຢູ່ປະເທດລາວ

ປັດຈຸບັນ Bosch ມີຫ້ອງການຕາງໜ້າປະຈໍາລາວ ໂດຍບໍລິສັດ Robert Bosch ຈຳກັດ ຕັ້ງແຕ່ເດືອນພຶດສະພາ 2012. ຂະແໜງທຸລະກິດຢູ່ໃນປະເທດລາວ ແມ່ນລວມເອົາເຄື່ອງອຸປະກອນເຄື່ອງມືໄຟຟ້າ, ລະບົບຄວາມປອດໄພ, ເຄື່ອງອະໄຫລ່ລົດຍົນ. ຂໍ້ມູນເພີ່ມເຕີມສາມາດເຂົ້າເບິ່ງໄດ້ທີ່:

www.bosch-group.la , https://www.facebook.com/BoschLaos , http://sang.bosch-group.la/en

ກ່ຽວກັບກຸ່ມ ບໍລິສັດ Bosch

ກຸ່ມບໍລິສັດບອສຈ໌ເປັນຜູ້ສະໜອງດ້ານເຕັກໂນໂລຊີ ແລະ ການບໍລິການຊັ້ນນໍາຂອງໂລກ. ມີພະນັກງານທົ່ວໂລກຫລາຍກວ່າ 390,000 ຄົນ (ຂໍ້ມູນວັນທີ 31 ທັນວາ 2016). ອີງຕາມຕົວເລກເບື້ອງຕົ້ນປີ 2016 ຍອດຂາຍບໍລິສັດລວມທັງໝົດມີຢູ່ 73.1 ຕື້ ຍູໂຣ. ໂດຍຈັດແບ່ງການດໍາເນີນງານອອກເປັນ 4 ຂະແໜງທຸລະກິດຄື: ຂະແໜງໂຊລູຊັ່ນແຫ່ງການຂັບເຄື່ອນ, ຂະແໜງເຕັກໂນໂລຊີອຸດສາຫະກໍາ, ຂະແໜງສິນຄ້າອຸປະໂພກ-ບໍລິໂພກ ແລະ ຂະແໜງເຕັກໂນໂລຊີພະລັງງານ ແລະ ອາຄານ. ໃນຖານະເປັນບໍລິສັດ ຊັ້ນນໍາທາງດ້ານ loT (Internet of Things), ບອສຈ໌ໄດ້ນໍາສະເໜີນະວັດຕະກໍາໂຊລູຊັ່ນສໍາລັບບ້ານອັດສະລິຍະ, ເມືອງ ອັດສະລິຍະ, ຍານພາຫະນະເຊື່ອມຕໍ່ ແລະ ອຸດສາຫະກໍາແບບເຊື່ອມຕໍ່ໄດ້. ດ້ວຍຄວາມຊ່ຽວຊານດ້ານເຕັກໂນໂລຊີ ເຊັນເຊີ, ຊັອບແວຣ໌ ແລະ ການໃຫ້ບໍລິການລວມທັງ ໄອໂອທີ ຄລາວດ໌ຂອງ ບອສຈ໌ ເອງຈຶ່ງເຮັດໃຫ້ ບອສຈ໌ ສາມາດໃຫ້ ບໍລິການໂຊລູຊັ່ນ ທີ່ເຊື່ອມຕໍ່ແບບຂ້າມໂດເມນໄດ້ຄົບຖ້ວນຈາກແຫຼ່ງດຽວ. ເປົ້າໝາຍຍຸດທະສາດຂອງກຸ່ມບໍລິສັດ ບອສຈ໌ ຄືການສ້າງໂຊລູຊັ່ນເພື່ອ ຊີວິດທີ່ມີການເຊື່ອມຕໍ່ ແລະ ເພື່ອປັບປຸງຄຸນນະພາບຊີວິດໃນທົ່ວໂລກດ້ວຍການສົ່ງມອບນະວັດຕະກໍາ ແລະ ສ້າງແຮງບັນດານໃຈດ້ານຜະລິດຕະພັນ ແລະ ການບໍລິການເວົ້າໂດຍຫຍໍ້ ບອສຈ໌ ຖືເປັນຜູ້ສ້າງ “ເຕັກໂນໂລຊີເພື່ອຊິວິດ” ກຸ່ມ ບໍລິສັດ ບອສຈ໌ ປະກອບດ້ວຍບໍລິສັດ Robert Bosch GmbH ແລະ ບໍລິສັດໃນເຄືອກວ່າ 450 ບໍລິສັດ ແລະ ລວມເຖິງສໍານັກງານລະດັບພູມີພາກອີກກວ່າ 60 ປະເທດ. ຖ້າລວມເຖິງບໍລິສັດຄູ່ຄ້າຜູ້ຈັດຈໍາໜ່າຍ ແລະ ໃຫ້ບໍລິການຕ່າງໆ ທັງສ່ວນ ການຜະລິດ, ວຽກງານ ດ້ານວິສະວະກໍາ ແລະ ເຄືອຂ່າຍດ້ານການຂາຍ ບອສຈ໌ ກວມເອົາເກືອບທຸກປະເທດໃນທົ່ວໂລກ. ເພາະພື້ນຖານການເຕີບໃຫຍ່ຂະຫຍາຍໂຕໃນອະນາຄົດຂອງບໍລິສັດ ແມ່ນຂຶ້ນຢູ່ກັບຄວາມແຂງແກ່ນດ້ານນະວັດຕະກໍາປ່ຽນແປງໃໝ່. ບໍລິສັດ ຈຶ່ງມີ ພະນັກງານໃນສ່ວນການຄົ້ນຄວ້າ ແລະ ການພັດທະນາກວ່າ 59,000 ຄົນ ໃນສູນຄົ້ນຄວ້າກວ່າ 120 ແຫ່ງທົ່ວໂລກ.

ເຂົ້າເບິ່ງຂໍ້ມູນເພີ່ມເຕີມໄດ້ຢູ່ທີ່ www.bosch.com , www.iot.bosch.com ,

www.bosch-press.com , www.twitter.com/BoschPresse .